обзоры автоновинок kaps4karing.com
село ремонтное
 11.12.2017

    "დღეს კახი იწყებს თბილისის განვითარების სრულიად ახალ ეტაპს, რომელშიც მინდა დიდი წარმატება ვუსურვო", - ამის შესახებ საქართველოს პრემიერმინისტრმა გიორგი კვირიკაშვილმა, ორბელიანის მოედნის რეაბილიტაცია-რეკონსტრუქციის პროექტის პრეზენტაციაზე განაცხადა. 

 24.11.2017

    თბილისის მერი კახა კალაძე მთაწმინდის რაიონში, ორბელიანის მოედანზე მიმდინარე სარეაბილიტაციო სამუშაოებს გაეცნო, რომლის ნაწილშიც   საინჟინრო-საკომუნიკაციო სამუშაოები და შესაბამისი მონიშვნებით გზის საფარის დაგების პროცესი დასრულებულია. კახა კალაძე სარეაბილიტაციო სამუშაოებს მერის მოადგილე ირაკლი ბენდელიანთან და თბილისის განვითარების ფონდის დირექტორ გიორგი ბაიდარაშვილთან ერთად გაეცნო.

 24.10.2017

    შარშან თბილისის განვითარების ფონდმა დაიწყო მაღალმხატვრული ღირებულების მქონე ისტორიული სადარბაზოების აღდგენა-განახლების პროგრამა. დასრულდა სამი სადარბაზოს რეაბილიტაცია, ამ დღეებში კი გამოცხადდება ტენდერი კიდევ სამი სადარბაზოს სარეაბილიტაციო სამუშაოებზე.

 24.11.2017

    თბილისის მერმა კახა კალაძემ ორბელიანის მოედნის მიმდებარე ქუჩებზე მიმდინარე სარეაბილიტაციო და გზის დაგების სამუშაო დაათვალიერა. გაიხსნა ვირსალაძის ქუჩიდან მტკვრის მარჯვენა სანაპიროსთან დამაკავშირებელი და ხიდის ქუჩის რუსთაველის გამზირთან დამაკავშირებელი გზები.

 13.06.2017

   ჯავახიშვილის ქუჩაზე #7-ში, ილია ჭავჭავაძის მემორიალურ სახლ-მუზეუმში, სარეაბილიტაციო სამუშაოები მიმდინარეობს. 19-ე საუკუნის ისტორიული ნაგებობის რესტავრაცია 40 წელია არ მომხდარა. შენობის თავდაპირველი სახე საბჭოთა ეპოქის დროს ჩატარებულ რემონტს ემსხვერპლა. 

სპეციალისტებს შენობაში კედლები რამდენჯერმე გადაღებილი დახვდათ. 

"როცა კედელი გავხსენით, ვნახეთ, რომ სრულად შემორჩენილია ილიასეული კედლის ფენა, თუმცა დაზიანებები აქვს. ახლა მის გასუფთავებასა და ნაკლული ადგილების შევსებაზე ვმუშაობთ. კედელს ტონირებას გავუკეთებთ, აღვადგენთ და პირვანდელ სახეს მიიღებს", - განაცხადა რესტავრატორმა დავით გაგოშიძემ. 

რესტავრაცია სპეციალისტებმა ილია ჭავჭავაძისა და მისი მეუღლის საძინებელი ოთახიდან დაიწყეს. მწვანე შეფერილობის კედლის ორნამენტიანი ფენაც ილიას დროის უნდა იყოს. სახლში ამ ეპოქის კიდევ რამდენიმე ოთახი და შუშაბანადია. მათი აღდგენა და პირვანდელი სახის დაბრუნება ეტაპობრივადაა ჩაფიქრებული. 

სახლი, რომელიც მწერლის დის ელისაბედის საკუთრება ყოფილა, კომუნისტებმა კომუნალურ საცხოვრებლად გადააკეთეს და 40-მდე ოჯახი შეასახლეს და რამდენჯერმე გაუკეთეს მინაშენი. ცნობილია, რომ სახლში, მწერლის საცხოვრებლის გარდა „ივერიის“ რედაქცია და სტამბა ფუნქციონირებდა. 

მუზეუმების გაერთიანების გენერალური დირექტორი ნინი სანადირაძე საზოგადოებრივთან საუბარში აღნიშნავს, რომ სახლი თანამედროვე მუზეუმის ელფერს შეიძენს და ასევე ძველ იერსახესაც შეინარჩუნებს. აქ 15 საგამოფენო დარბაზი, მულტიმედიური კაფე და ბიბლიოთეკა გაიხსნება. 

სარესტავრაციო-სარეაბილიტაციო სამუშაოებს, ორ ეტაპად, ქალაქ თბილისის მერია და თბილისის განვითარების ფონდი ახორციელებს. ახალი სამუზეუმო სივრცის გახსნას 2018 წელს

იგეგმება.წყარო:http://1tv.ge

 

      

 

TOP