обзоры автоновинок kaps4karing.com
село ремонтное
23.10.2015

    თბილისის განვითარების ფონდი დედაქალაქის ისტორიულ ნაწილში  ტურისტული არეალის განვითარებაზე მუშაობას განაგრძობს. ღვინის აღმართი უახლოეს მომავალში იმ ტურისტულ მარშუტს დაემატება, რომელსაც ყოველდღიურად უამრავი უცხოელი, თუ ადგილობრივი ტურისტი გაივლის.

19.10.2015

   თბილისის განვითარების ფონდმა საერთაშორისო  კონკურსი „მომავალი თბილისი დღეს 2015“-ის ფარგლებში, ქართველი და უცხოელი ექსპერტების მონაწილეობით  სტუდენტებისთვის ვორქშოპი მოაწყო.   თბილისის სამხატვრო აკადემიაში გამართულ სემინარზე კონკურსში მონაწილე სტუდენტებმა მიმართულებების დაზუსტების მიზნით,  არქიტექტურული პროექტები და იდეები წარმოადგინეს, სადაც სპეციალისტებისგან პროფესიული რჩევები  მიიღეს.

15.10.2015

    17 ოქტომბერს თბილისობის დღესასწაულზე საერთაშორისო სტუდენტური კონკურსი „მომავალი თბილისი დღეს 2015“ - ის ფარგლებში ვორქშოპი გაიმართება, სადაც კონკურსში მონაწილე სტუდენტებისთვის სემინარს ქართველი და უცხოელი ექსპერტები ჩაატარებენ. ვორქშოპზე კონკურსანტების მიერ წარმოდგენილი, პირველ ეტაპამდე  დამუშავებული პროექტების განხილვა მოხდება, სადაც სტუდენტები დარგის სპეციალისტებისგან კონსულტაციებს მიიღებენ..

5.10.2015

     ბეთლემის ქუჩა N10-ში, სადაც თბილისის განვითარების ფონდი საცხოვრებელი სახლის სამშენებლო სამუშაოებს აწარმოებს, 3 ოქტომბერს უსაფრთხოების მიზნით, პროექტით გათვალისწინებული მიწის მოჭრის სამუშაოების ჩასატარებლად კონტრაქტორმა კომპანია „GBC”-იმ სამშენებლო ღობე საავტომობილო გზაზე 3 მერით გადაწია (რაც პროექტით გათვალისწინებული და შეთანხმებული იყო). ღობე მიმდებარედ მცხოვრებმა მოსახლეობამ თვითნებურად მოშალა, რის შედეგადაც, ავტომანქანების მოძრაობამ გზის ნაწილის ჩამოშლა გამოიწვია. კონტრაქტორი კომპანიის მიერ  უსაფრთხოების ზომები დროულად იქნა  მიღებული, აღნიშნულ მონაკვეთზე დაიდგა მედროშე - გამაფრთხილებლები და გამოძახებული იქნა საპარტულო პოლიცია, ოპერატიულად მოხდა თბილისის განვითარების ფონდისა და მერიის ზედამხედველობის სამსახურის მობილიზება..

1.09.2015

     2015 წლის საერთაშორისო სტუდენტური კონკურსი „მომავალი თბილისი დღეს 2015“  თბილისის განვითარების ფონდმა  მერიის მხარდაჭერით," Peter Moennig Foundation (Deutsche Stiftung privaten Rechts)"- თან და „Tbilisi International Rotary Club“-თან ერთად დღეს გამოაცხადა.

      კონკურსის მიზანია თბილისის არქიტექტურისა და დედაქალაქის განვითარებაში აქტიურად ჩაერთონ სტუდენტები, რომელთაც საშუალება ეძლევათ საკუთარი იდეები, არქიტექტურული და არტისტული ნამუშევრები საინტერესოდ წარმოაჩინონ,  არქიტექტურულ-ურბანულ-სივრცით ჭრილში შექმნან  ინოვაციური პროექტები.

თბილისის განვითარების ფონდი მერიის მხარდაჭერით, „Peter Moennig“ ფონდთან და „Tbilisi International Rotary Club“-თან ერთად, 1 სექტემბერს აცხადებს 2015 წლის არქიტექტურულ  კონკურსს „მომავალი თბილისი დღეს 2015“. 

კონკურსში მონაწილეობის მიღება შეუძლიათ შესაბამისი პროფილის სტუდენტებს. ორგანიზატორები კონკურსანტებს  ორ მიმართულებას სთავაზობენ: საზოგადოებრივი (საჯარო) სივრცის კონცეფციის შექმნა (მოედანი, ქუჩა, პარკი, სკვერი და სხვა) და გაუქმებული/მიტოვებული, ნანგრევი ან მთლიანად დანგრეული ადგილის  განვითარების ხედვა (მაგ. ძველი საწარმოო შენობები, უფუნქციო შენობა-ნაგებობები, ნანგრევები, ავარიულ მდგომარეობაში მყოფი ძველი ისტორული ან/და კულტურული შენობები/ძეგლები და სხვა).

25.07.2015

      თბილისის განვითარების ფონდმა  2015 წლის ახალგაზრდული ოლიმპიადის მზადებისთვის   მიხეილ მესხის სახელობის (ყოფილი ლოკომოტივი) სტადიონის სარეაბილიტაციო სამუშაოები დაასრულა. სამუშაოები 1 ივლისს დაიწყო და სამი კვირის განმავლობაში მიმდინარეობდა.   მთლიანად მოწესრიგდა სტადიონის ინფრასტრუქტურა, ჩატარდა შიდა და გარე პერიმეტრის სარემონტო სამუშაოები, დასუფთავდა ტერიტორია.  მიხეილ მესხის სახელობის სტადიონი მზადაა, მე-13 ახალგაზრდული ოლიმპიური ფესტივალი „თბილისი 2015 „ -ის ოფიციალურ გახსნას უმასპინძლოს..

13.07.2015

  გთხოვთ, პარასკეობით ფონდის ხელმძღვანელობასთან შეხვედრისთვის გაიაროთ წინასწარი რეგისტრაცია ელექტრონულად (ფონდის ვებ-გვერდის ან/და საინფორმაციო ელ.ფოსტის contact@tdf.ge საშუალებით), ან დააფიქსიროთ წერილობით თქვენი მოთხოვნა, თბილისის განვითარების ფონდის მოსახლეობის მისაღებში (მისამართი: თბილისი, ძმები ზუბალაშვილების 48, II სართული).

10.07.2015

      მიმდინარეობს მიხეილ მესხის სახელობის სტადიონის მოსამზადებელი სამუშაოები 2015 წლის ახალგაზრდული ოლიმპიადისთვის.

      თბილისის განვითარების ფონდი ქ. თბილისის მერიის დავალებით მიხეილ მესხის სახელობის (ყოფილი ლოკომოტივი) სტადიონზე აწარმოებს სარეაბილიტაციო  სამუშაოებს. მიმდინარეობს სტადიონის შიდა და გარე პერიმეტრის განახლება-რეკონსტრუქცია და მიმდებარე ტერიტორიის დასუფთავება-მოწესრიგება. სამუშაოები 1 ივლისს დაიწყო და მაქსიმალურად ოპერატიულად, 10 დღის ვადაში დასრულდება.

TOP