обзоры автоновинок kaps4karing.com
село ремонтное

 22.06.2017

   ნარიყალას ციხე-სიმაგრის რეაბილიტაციის I ეტაპის სამუშაოები მიმდინარეობს. პროექტს თბილისის განვითარების ფონდი „ახალი ტფილისის“ ისტორიულ-კულტურული ძეგლების და სხვა შენობების რეაბილიტაციის პროგრამის მიხედვით ახორციელებს. სარეაბილიტაციო პროექტის ფარგლებში:

 22.06.2017

   თბილისის განვითარების ფონდის და თბილისის მერიის „საველე სკოლის“ პროექტის ფარგლებში, რესტავრატორები ქვის თლის სპეციალობას ეუფლებიან. პროექტი ფრანკოფონ მერთა და ქალაქთა ასოციაციის დაფინანსებით 2017 წლის აპრილში დაიწყო და 6 თვის მანძილზე გაგრძელდება. ქვის თლის პროფესიას, კონკურსის წესით შერჩეულ 9 რესტავრატორს ფრანგი რესტავრატორ - ინსტრუქტორი ჟან ლუი ანკარი შეასწავლის.

 13.06.2017

   ისტორიულიძეგლებისრეაბილიტაცია შალვა დადიანის ქუჩა N32-ში მდებარე ისტორიული სახლის რეაბილიტაცია მიმდინარეობს. თბილისის განვითარების ფონდი სარეაბილიტაციო სამუშაოებს, პროექტ "ახალი ტფილისის" ისტორიული ძეგლების რეაბილიტაციის პროგრამით ახორციელებს. აღნიშნულ მისამართზე უკვე დასრულდა საძირკვლის და მთლიანად შენობის გამაგრების სამუშაოები და შეიცვალა სახლის სახურავი. ამჟამად, მიმდინარეობს ხის კარ-ფანჯრების მოწყობა, შიდა სარემონტო სამუშაოები და ფასადის რესტავრაციის მოსამზადებელი სამუშაოები. პროექტის ფარგლებში, შეიცვლება საინჟინრო-საკომუნიკაციო ქსელები და ჩატარდება ეზოს კეთილმოწყობა.

 08.06.2017

   თბილისის მერიის და თბილისის განვითარების ფონდის პროექტი „ახალი ტფილისი“, აღმაშენებლის გამზირის რეაბილიტაციით, „ევროპა ნოსტრას“ 2017 წლის კონკურსში, კონსერვაციის ნომინაციაში ერთ-ერთ საუკეთესოდ აღიარეს.
2016 წელს განხორციელებული დავით აღმაშენებლის გამზირზის რეაბილიტაცია ჟიურიმ, კულტურული მემკვიდრეობის საქმეში შეტანილი მნიშვნელოვანი წვლილისთვის გამოარჩია, რაც თბილისის მერიისა და თბილისის განვითარების ფონდისთვის მნიშვნელოვანი გამარჯვებაა.

 07.06.2017

   პროექტ „ახალი ტფილისის“ მეორე ეტაპი იწყება. პროექტის ფარგლებში, თბილისის განვითარების ფონდი  ორბელიანის მოედანზე საინჟინრო-საკომუნიკაციო ქსელების რეაბილიტაციას იწყებს. სამუშაოები მიმდინარე წლის ივნისში დაიწყება და ოთხი თვის ვადაში დასრულდება.
სამუშაოები  ორბელიანის მოედნის ტერიტორიაზე შვიდ  ქუჩაზე: ათონელის, ვირსალაძის, ხიდის, ფურცელაძის, ფხოვის, სობჩაკის (ყოფილი ხაზინის ქუჩა) და თაბუკაშვილის ქუჩებზე განხორციელდება.

23.05.2017

    თბილისის მერიამ და თბილისის განვითარების ფონდმა ილია ჭავჭავაძის მუზეუმის რეაბილიტაცია დაიწყო. სამუშაოები პროექტ „ახალი ტფილისის“ ფარგლებში მუზეუმების განვითარების პროგრამით ხორციელდება.  სარეაბილიტაციო სამუშაოები დღეს თბილისის მერმა დავით ნარმანიამ და თბილისის განვითარების ფონდის დირექტორმა გიორგი ბაიდარაშვილმა დაათვალიერეს.  მუზეუმს სრული რეაბილიტაცია უტარდება. დაგეგმილია, როგორც შენობის რესტავრაცია-რეკონსტრუქცია, ასევე შიდა ეზოსა და ინტერიერის აღდგენა და კეთილმოწყობა. მუზეუმის ტერიტორიაზე მთლიანად შეიცვლება და მოწესრიგდება შიდა საინჟინრო-საკომუნიკაციო ქსელები.

10.03.2017

საველე სკოლის პროექტი, რომელიც ხორციელდება ქალაქ თბილისის მუნიციპალიტეტის მერიის, ა(ა)იპ „თბილისის განვითარების ფონდის“ და „მთლიანად ან ნაწილობრივ ფრანკოფონი დედაქალაქებისა და მეტროპოლიების მერებისა და ხელმძღვანელთა საერთაშორისო ასოციაციის“ თანადაფინანსებით, იწვევს 17-დან 40 წლამდე რესტავრაციისა და ქვის თლის სფეროთი დაინტერესებულ საქართველოს მოქალაქეებს, შესაბამის სფეროში გადამზადების მიზნით..

22.02.2017

    პროექტი „ახალი ტფილისის“ ფარგლებში, თბილისის განვითარების ფონდი ისტორიული სადარბაზოების რეაბილიტაციის პროგრამის განხორციელებას განაგრძობს.
რუსთაველის გამზირ N54-ში , აღმაშენებლის გამზირ N93- სა და ტაბიძის ქუჩა N18-ში მდებარე შენობების სადარბაზოების სრული რეაბილიტაციის პროექტის მოსამზადებლად კონკურსი გამოცხადდა.

პროექტის მიზანია, თბილისის ისტორიულ ნაწილში უზრუნველყოს ყველაზე ღირებული და მიმზიდველი სადარბაზოების აღდგენა და მათი პოპულარიზაცია.

21.02.2017

    თბილისის განვითარების ფონდმა 3 ისტორიულ ძეგლზე სარეაბილიტაციო პროექტის მოსამზადებლად კონკურსი გამოაცხადა. არქიტექტურული პროექტები „ახალი ტფილისის“ ფარგლებში,  ისტორიულ-კულტურული ძეგლების და სხვა შენობების რეაბილიტაციის პროგრამით  ხორციელდება.  საპროექტო დავალება მოიცავს : წინამძღვრიშვილის ქუჩა N1-ში  წინამძღვრიშვილის ქუჩა N39-სა და რომის ქუჩა N4-ში მდებარე კულტურული მემკვიდრეობის ძეგლების სარეაბილიტაციო პროექტების მომზადებას, რომლის მიხედვით არსებული შენობების  აღდგენითი სამუშაოები დაიგეგმება.

TOP