обзоры автоновинок kaps4karing.com
село ремонтное


ნარიყალას ციხე-სიმაგრე

Здесь новыешаблоны Joomla
креативные Joomla шаблоны.

     ნარიყალას ციხე-სიმაგრის რეაბილიტაცია I ეტაპი

   ნარიყალას ციხე-სიმაგრის რეაბილიტაცია, თბილისის განვითარების ფონდის პროექტის „ახალი ტფილისის“ ერთ-ერთი მსხვილი მიმართულების – „ისტორიულ-კულტურული ძეგლების და სხვა შენობების რეაბილიტაციის პროგრამით“ ხორციელდება.

   პროექტი გრძელვადიანია და რამდენიმე წელს მოიცავს. სარეაბილიტაციო სამუშაოების I ეტაპი 2016 წლის შემოდგომაზე დაიწყო.

   ნარიყალას ციხე-სიმაგრე სხვადასხვა დროში აშენებული მრავალფენიანი ისტორიული ძეგლია, გაშლილია ვრცელ ფართობზე და მოცულობით სარეაბილიტაციო სამუშაოებს საჭიროებს. პროექტი რამდენიმე ეტაპისგან შედგება. 

    I ეტაპის სამუშაოები

  • რეაბილიტაცია დაიწყო ციტადელის აღმოსავლეთის კედელ-ბურჯის რესტავრაციით, კერძოდ N15 და N16 კოშკებს შორის კედლის დაშლით, რადგან აღნიშნული კედელი ძლიერი წვიმების შედეგად დანესტიანებული და დაზიანებულია. 
  • ტერიტორიაზე, მნიშვნელოვანი როლი ტაძარს უჭირავს, რომლის სრულყოფილი ფუნქციონირებისათვის სატრაპეზო მნიშვნელოვანია. არსებული სატრაპეზო აგებულია სპონტანურად და ფარავს კედლის მნიშვნელოვან ისტორიულ ნაწილს. ახალი პროექტის მიხედვით, ძველი სატრაპეზოს ნაცვლად, რომელიც მიდგმულია გალავანზე, აშენდა  ახალი ნაგებობა  (საერო სახლი)  რომელიც ბუნებრივადაა  შერწყმული ეზოს რელიეფთან. 
  • ჩატარდა  სარესტავრაციო და გამაგრებითი სამუშაოები ციტადელის აღმოსავლეთ კედელზე (მე-12 და მე -18 ბურჯებს შორის) 
  • ამავე მონაკვეთში, გალავნის თავზე მთელ გაყოლებაზე, დამთვალიერებლების გადაადგილების უსაფრთხოების მიზნით, მოეწყო  აგურის დაბალი კედელი.
  • შენობის მიმდებარედ არსებული  ქუროს უძველესი ნაშთი დაიფარება  შუშის კონსტრუქციით.

   ნარიყალას ციხე ისტორიულ ძეგლთა შორის ერთ-ერთ უძველეს ციხესიმაგრედ არის მიჩნეული, რომელიც თბილისსა და მდინარე მტკვარს გადაჰყურებს. ისტორიულ წყაროებში პირველად მოხსენიებულია 1772 წელს გერმანელი მოგზაურ იოჰან გიულდენშტესტთან. ციხესიმაგრე გალავნის ორი სექციისგან შედგება, რომელიც ციცაბო ამაღლებაზე მდებარეობს გოგირდის აბანოებსა და ბოტანიკურ ბაღს შორის. ციხესიმაგრე IV საუკუნეში დაფუძნდა, როგორც „შურის ციხე“. VII საუკუნეში და 1089-1125 წლებში, კი დავით აღმაშენებლის მიერ მნიშვნელოვნად გაფართოვდა. მოგვიანებით შემოსულმა მონღოლებმა მას „ნარინ ქალა“ („მცირე ციხესიმაგრე“) დაარქვეს. დღემდე მოღწეული ძირითადი გამაგრებები XVI და XVII საუკუნეებით თარიღდება.

   ნარიყალას ისტორიული ციხე-სიმაგრის პირველი ეტაპის სამუშაოები 2017 წლის ბოლოს დასრულდა.

Здесь новые шаблоны для dle
TOP