24.02.2016

       თბილისის განვითარების ფონდი ღვინის აღმართზე სარეაბილიტაციო სამუშაოებს 2015 წლიდან ახორციელებს. ღვინის აღმართი N 8 -ში მდებარე შენობის სარეაბილიტაციო-სარესტავრაციო სამუშაოები უკვე დასრულებულია. ამჟამად მიმდინარეობს ღვინის აღმართი N1,3,5 და N 7 – ში მდებარე კულტურული მემკვიდრეობის მქონე შენობების კონსტრუქციული გამაგრება. გამოიცვალა დაზიანებული დეკორატიული ელემენტები, განხორცილდა საღი ნაწილების რესტავრაცია. გარდა შენობების სარეაბილიტაციო სამუშაოებისა, მიმდინარეობს შიდა ეზოების ინფრასტრუქტურის მოწესრიგების სამუშაოები.

 24.02.2016

     თბილისში დავით აღმაშენებლის გამზირის  ნაწილის რეკონსტრუქცია მიმდინარეობს. რეკონსტრუქცია ეხება ყველა შენობას, გარდა რამდენიმე ახალი სახლისა. რესტავრირდება სადარბაზოების მხატვრობა და ჩუქურთმებიც. რეკონსტრუქციის შემდეგ მაზნიაშვილის ქუჩისა და აღმაშენებლის გამზირის გადაკვეთიდან საარბრიუკენის მოედნამდე  ქვეითად მოსიარულეთა ქუჩა მოეწყობა. 

 24.02.2016

        თბილისის განვითარების ფონდის ცნობით, შალვა დადიანის ქუჩისა და ლადო ასათიანის ქუჩის კუთხეში, N34/17-ში მდებარე ისტორიულ შენობას რეაბილიტაცია ჩაუტარდება.

რესტავრაცია ასევე ჩაუტარდება შალვა დადიანის ქუჩის 32 ნომერში მდებარე ისტორიულ სახლსაც. ორივე სახლის სარეაბილიტაციო სამუშაობისთვის თბილისის განვითარების ფონდის ბიუჯეტიდან 1 516 000 ლარია გათვალისწინებული. 

 23.02.2016

    სოლოლაკში მდებარე ისტორიული სახლის რეაბილიტაცია მიმდინარე წელს დაიწყება. კრწანისი გამგეობის დაკვეთით, შენობის პროექტი ICOMOS საქართველომ მოამზადა.