обзоры автоновинок kaps4karing.com
село ремонтное
15.02.2017

    თბილისის განვითარების ფონდმა ღვინის აღმართი N1 - ში მდებარე ისტორიული სადარბაზოს რესტავრაცია დაიწყო. სამუშაოები პროექტი „ახალი ტფილისის“ II ეტაპის ფარგლებში, ისტორიული სადარბაზოების რეაბილიტაციის მიმართულებით ხორციელდება.  რესტავრაცია უტარდება ღვინის აღმართის N1-ში მდებარე საცხოვრებელი სახლის სადარბაზოს, რომლის მხატვრობა 2016 წელს ღვინის აღმართზე მიმდინარე სარეაბილიტაციო სამუშაოების დროს, საღებავების სქელი ფენის ქვეშ აღმოჩნდა.

09.01.2017

    თბილისის განვითარების ფონდმა  შოთა რუსთაველის გამზირ N 14 და N16 - ში მდებარე  ისტორიული შენობების  რეაბილიტაცია - რესტავრაცია  დაასრულა. სამუშაოები  პროექტ „ახალი ტფილისის“ ისტორიულ-კულტურული ძეგლების და სხვა შენობების რეაბილიტაციის პროგრამის ფარგლებში განხორციელდა.  შოთა რუსთაველის გამზირ N 16 -ში : • აღდგა ფასადის  დაზიანებული ადგილები;  • რესტავრაცია ჩაუტარდა   სადარბაზოს ხის კარებებს; • ფასადის გასწვრივ მთელს პერიმეტრზე გამოიცვალა დაზიანებული თუნუქის სახურავი;  შოთა რუსთაველის გამზირ N14-ში :  • რესტავრაცია ჩაუტარდა  ეზოს  ლითონის ჭიშკარს და სადარბაზოს ძველებურ ხის კარებებს ;  • აღდგა ფასადის მხატვრული დეტალები, ძეგლზე მუშაობის მეთოდოლოგიის დაცვით; • ნაგებობის შემომზღუდავი დაბალი კედლის გასწვრივ გამოიცვალა თუნუქის სახურავი;

14.12.2016

    თბილისის მერმა, დავით ნარმანიამ და თბილისის განვითარების ფონდის ხელმძღვანელმა გიორგი ბაიდარაშვილმა დღეს ხელი მოაწერეს “საველე სკოლის” პროექტს. პროექტი ფრანკოფონ მერთა და ქალაქთა საერთაშორისო ასოციაციის დაფინანსებით ხორციელდება. თბილისის მერიაში გამართულ ხელმოწერას საფრანგეთის ელჩი საქართველოში, პასკალ მენიე ესწრებოდა. საველე სკოლის პროექტის მიზანია ქართველ რესტავრატორთა ჯგუფის გადამზადება და ამ სახით საქართველოს კულტურული მემკვიდრეობის აღდგენის ხელშეწყობა.

11.12.2016

    თბილისის განვითარების ფონდი ნარიყალას რეაბილიტაციის პროექტის პირველი ეტაპით გათვალისწინებულ სამუშაოებს ახორციელებს. ციხე-სიმაგრის აღდგენის მიმდინარე სამუშაოებს თბილისის მერი დავით ნარმანია თბილისის განვითარების ფონდის დირექტორთან, გიორგი ბაიდარაშვილთან და კრწანისის რაიონის გამგებელთან, გიორგი კოპალეიშვილთან  ერთად გაეცნო. ადგილზე იმყოფებოდნენ  საქართველოს კულტურისა და ძეგლთა დაცვის სამინისტროს  წარმომადგენლები.  დავით ნარმანიას თქმით, ამ მასშტაბის სარეაბილიტაციო-სარესტავრაციო სამუშაოები  ციხეს აქამდე არასოდეს ჩატარებია.

01.12.2016

    თბილისის მერიის არქირექტურის სამსახურის სტაჟიორთა პროგრამის ფარგლებში, თბილისის განვითარების ფონდის დირექტორ გიორგი ბაიდარაშვილთან  შეხვედრა გაიმართა.  გიორგი ბაიდარაშვილმა,  სტაჟირების პროგრამაში მონაწილე სტუდენტებისთვის სემინარი ჩაატარა, სადაც განხილული იქნა ქალაქის განვითარების საკითხები,  ფონდის მიერ განხორციელებული პროექტები და   სამომავლო გეგმები.

18.10.2016

    თბილისის განვითარების ფონდის პროექტი "ახალი ტფილისის" ფარგლებში განახლებულ რეაბილიტირებულ აღმაშენებლის გამზირს ცნობილი მოქანდაკის კახი ერაძის  ექვსი ნამუშევარი ამშვენებს. ხელოვანის მიერ შექმნილი სადა და დახვეწილი ნამუშევრები   რეაბილიტირებულ აღმაშენებელს უფრო  საინტერესოს ხდის.

16.10.2016

    თბილისის მერმა დავით ნარმანიამ „თბილისზე მზრუნველი“ 7 ადამიანი დააჯილდოვა. „თბილისზე მზრუნველი“-ს ჯილდო, წელს, რესტავრატორ ლელა ნინოშვილს, თბილისის სასწრაფო სამედიცინო დახმარების ცენტრის ექიმ მაია სვანიშვილს, 41-ე ბაღის დირექტორ  მაყვალა ჩუბინიძეს, ბიბლიოთეკარ ნანა ხომერიკს, მეტროს მემანქანე შაქრო ხვედელიძეს,  N19 ხელოვნების სკოლის დირექტორ თამაზ მოლაშვილს და რესტავრატორ ზაზა ჯალალს გადაეცათ.

TOP